Бернал Джон Десмондт

John Desmond Bernal, London 1934

БЕРНАЛ Джон Десмондт (1901 - 71) - ағылшын физигі және қоғам қайраткері, "Халықтар арасындағы бейбітшілікті нығайтқаны үшін" Халықар. лен. сыйл. иегері (1953). Лондон корольдық қоғамының (1937), бірқатар елдердің ғылыми академиялардың, оның ішінде бұрыңғы КСРО ғылым академиясының (1958) мүшесі. Бүкіл дүниежүзіндегі бейбітшілік кеңесінің атқарушы-президенті болды. Физ. биохим. кристаллография саласындағы зерттеулерінен басқа Бернал қаламынан жалпы ғылымның жетістіктерін қорытындылайтын, оның философиялық мәні мен адамзат тарихындағы ролін ашатын еңбектер туды. Ғылым тарихына талдау жасауға Бернал диалект, материализм тұрғысынан келеді. "Соғыссыз әлем" (1958) кітабы ғылым жеңістерін адам игілігі үшін бейбіт мақсатқа пайдалану перспективаларын суреттеді.

ЕңбектеріӨңдеу

  • "Ғылымның әлеуметтік функциясы", 1939;
  • "Ғылым мен қоғам", 1953;
  • "Қоғам тарихындағы ғылым", 1954.

ДереккөздерӨңдеу

[1]

  1. "Қазақ энциклопедиясы" - Философиялық сөздік