Берік Шаханұлы

Берік Шаханұлы (17 мамыр, 1941 жыл, Жамбыл облысы, Сарысу ауданы, Жайылма — 31 тамыз, 2020 жыл, Алматы) — қазақстандық жазушы, аудармашы. Қазақстанның еңбек сіңірген қайраткері. Халықаралық «Алаш» әдеби сыйлығының лауреаты.

Берік Шаханұлы
Туған күні	17 мамыр 1941 (1941-05-17)
Туған жері	Жамбыл облысы, Сарысу ауданы, Жайылма
Қайтыс болған күні	31 тамыз 2020 (2020-08-31) (79 жас)
Қайтыс болған жері	Алматы
Азаматтығы	КСРО  Қазақ КСР  Қазақстан
Ұлты	Қазақ
Мансабы	жазушы, Қазақстан Республикасы Жазушылар одағының екінші хатшысы, аудармашы
Жанры	проза
Шығармалардың тілі	қазақ тілі
Марапаттары	Қазақстанның еңбек сіңірген қайраткері
Сыйлықтары	Халықаралық "Алаш" әдеби сыйлығының иегері

Өмірбаяны

ҚазҰУ-ды бітірген (1966). 1966-70 ж. Жамбыл облысында "Еңбек туы" газетінде, 1970-1973 жылдары "Лениншіл жас" (қазіргі "Жас Алаш") газетінде, 1973-89 жылдары "Жазушы" баспасында редактор, аға редактор, 1989-91 жылдары "Жұлдыз" журналында әдеби қызметкер, 1991-96 жылдары Қазақстан Жазушылар одағында аға референт болып қызмет атқарған. 2002 жылдан Қазақстан Жазушылар одағы басқармасы төрағасының орынбасары.

Шығармалары

Шаханұлының алғашқы әңгімелері "Ақ теке" 1962 жылы "Балдырған" журналында, "Менің ағаларым" 1963 жылы қазіргі "Жас Алаш" газетінде жарияланған. "Ғашықтың тілі" (1973), "Ақ иірім" (1979), "Қаратаудың самалы" (1984), "Ночь в горах" (орыс тілінде, 1987), "Көрген түстей дүние" (1989), "Құса" (1992) атты кітаптары жарық көрді. Шаханұлы Әзірбайжан жазушысы Анардың "Ақ жағалау" атты повесі мен әңгімелер жинағын, нивхы жазушысы В.Сангидің "Қайырлы маусым" романы мен бір топ әңгімелерін қазақ тіліне аударған. Республикасының құрмет Алтын кітабына есімі жазылған (1980).

Шығармалары

Ғашықтың тілі. Әңгімелер.1973; Ақ иірім. Әңгімелер мен повесть.1979; Қаратаудың самалы. Повестер мен әңгімелер. 1984; Ночь в горах.Повестер мен әңгімелер. 1987; Құса.Повестер мен әңгімелер.1991; Көрген түстей дүние. Әңгімелер. 1998.

Мемлекеттік марапаттары

• 1992 жылы «Алаш» халықаралық әдеби сыйлығының лауреаты;
• 2001 жылы «Қазақстан тәуелсіздігіне 10 жыл» медалі;
• 2003 жылы «Ерен Еңбегі үшін» мемлекеттік медалі;
• 2008 жылы «Астанаға 10 жыл» медалі;
• 2008 жылыдың 5 желтоқсанындағы президент жарлығымен «Қазақстанның еңбек сіңірген қайраткері» құрметті атағының иегері атанды.
• 2011 Халықаралық "Махмұд Қашқари" сыйлығының лауреаты

Отбасы

Үйленген. Жұбайы - Базарбаева Дәріжан Төлеубайқызы (марқұм), өнертанушы. Қыздары - Сәуле (1964 жылы туған), Қарлығаш (1965 жылы туған); ұлдары - Бердібек (1969 жылы туған), Қазыбек (1973 жылы туған).