Беттестіру — тергеу әрекеті, оның барысында бұрынғы көрсетімдерінде (айғақтарында) кездескен елеулі қарама-қайшылықтардың себептерін айқындау үшін екі адам көзбе-көз жауапталады. Заңға сәйкес беттестіруге жауап алынушының қорғаушысы, педагог-ұстазы, дәрігер, аудармашы мен заңды өкілі қатыса алады. Куәгерлер мен жәбірленушілерге көрсетім беруден бас тартқаны, жалтарғаны немесе көпе-көрнеу өтірік көрсетім бергені үшін қылмыстық жауапкершілікке тартылатындықтары туралы ескертіледі. Беттестіру тергеушінің, прокурордың, соттың бастамасы бойынша не жәбірленуші мен оның қорғаушысының, заңды өкілдерінің, айыпталушының (сезікте-лушінің) қузау хаты бойынша жүргізіледі. Беттестіруге шақырылған адамдар тергеушінің рұқсатымен бір-біріне сұрақ қоя алады. Беттестіру хаттамасына қатысушылардың барлығы қол қояды.[1]

ДереккөздерӨңдеу

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл, ISBN 5-89800-123-9, II том