Беу қыздар-ай
«Беу қыздар-ай» — "Қазақтелефильм" студиясының 9 бөлімді, толық метражды, 1977 жылы қазақ тілінде түсірілген ақ-қара түсті фильм-спектаклі[1].
| Беу қыздар-ай | |
 | |
| Жанры | |
|---|---|
| Режиссёрі | |
| Ұзақтығы |
85 минут |
| Тілі | |
| Шыққан жылы | |
Пьеса авторлары Қуандық Шанғытбаев, Қанабек Байсейітов. Режиссер Тұраш Ыбыраев, операторы Юрий Кулик.
Сюжеті
өңдеуҮш сүрбойдақ — ақын Әубәкір, суретші Сұлтан, доцент Хасен бір пәтерде тұрады. Жастары біршамаға келсе де, үйленудің еш реті түспейді. Бір күні газеттен озат сауыншы қыз Айсұлу Асанованың суретін көреді де, үшеуі де ауылдық сауыншыға ғашық боп қалады.
Солайша үшеуі де "Көкдала" колхозына аттанбақ боп тұрғанда, ауылдан Серке атты қойшы оқуға түспек болып, доцент Хасенді іздеп келеді де, әуелі суретші Сұлтанға жолығады. Таныса келе Серке тап сол "Көкдала" колхозынан болып шығады. Ол аздай тіпті Айсұлудың сөз байласқан жігіті-тұғын. Бірақ мұның бәрін Серке жасырады да, "мен Айсұлудың жиенімін" деп Сұлтанды алдайды. Сұлтанды шығарып сап бола, Әубәкірмен жолығады, оны да солай алдайды. Соңында өзі іздеп келген Хасенге кездесіп, ол мұны оқуға түсіретін боп, бұл оны Айсұлумен таныстыратын болып келіседі.
Қызбен сөйлесу үшеуіне де оңайға соқпайды. Колхоз басшысы Әбдіқадыр бұларды Айсұлудың өзімен емес, әпкелерімен таныстырып жібереді. Қыздар бұлардан өткен сөзшең, намысты, арлы, тәрбиелі болып шығады да, уыстарына түсе қоймайды. Дегенмен үшеуі де өздері танысқан "Айсұлуларына" ғашық болады да, қыздардың соңынан қалмайды. тіпті қаланы ұмытып, колхоз мүшесі боп тіркеледі де, үшеуі де ауылда қалады.
Айсұлудың өзі болса, "мен саған қаладан күйеу ізде дедім бе?" деп Серкемен араз болады. Дегенмен Серке колхозға пайдалы жұмыс жасайды: колхоз бастығының айтуынша, ол "көз көрмеген суретшіні, ат шаптырып алдыра алмайтын ақынды", әсіресе шаруашылыққа өте қажетті тұлға — зоотехник-доцент Хасенді ауылға әкелді.
Айсұлудың өзімен емес, әпкелерімен танысқанын білмейтін үшеуі Айсұлуды бір-бірінен қызғанып, алысып-жұлысуға дейін барады.
Шындық ең соңында ашылады. Әрқайсысы өз ғашықтарымен табысады. Серке де Айсұлумен татуласады. Осылайша төртеуі бір-бірімен бажа болады.
Рөлдерде
өңдеу- Әбдіқадыр - Қапан Бадыров
- Сұлтан - Сәбит Оразбаев
- Хасен - Ғабдолла Сүлейменов
- Әубәкір - Райымбек Сейітметов
- Айсұлу - Нұрзада Тәшімова
- Күнсұлу - Гүлжан Әспетова
- Жансұлу - Салиха Қожақова
- Нұрсұлу - Баян Имашева
- Серке - Есболған Жайсаңбаев
- Милиционер - Күләш Сексенбаева
Дереккөздер
өңдеу- ↑ Қазақ Телевизиясы. Энциклопедия. Алматы: "ҚазАқпарат" 2009, 1-т: 640 бет, ISBN №978-601-03-0070-5