Бибайша Ілиясқызы Нұрдәулетова

Бибайша Ілиясқызы Нұрдәулетова (24 шілде 1964, Қызылорда облысы Арал ауданы Мергенсай а. туған) – филология ғылымдарының докторы (2008), профессор (2005). ҚР Білім беру ісінің құрметті қызметкері (2006).

Бибайша Ілиясқызы Нұрдәулетова
Туған күні	24 шілде 1964 (1964-07-24) (59 жас)
Туған жері	Мергенсай, Арал ауданы, Қызылорда облысы, Қазақ КСР
Азаматтығы	Қазақстан  КСРО (1964-1991)
Ғылыми аясы	филология
Жұмыс орны	Шахмардан Есенов атындағы Каспий мемлекеттік технологиялар мен инжиниринг университеті
Ғылыми дәрежесі	филология ғылымдарының докторы
Ғылыми атағы	профессор
Альма-матер	ҚазҰУ

Өмірбаяны

• ҚазМУ-ды (1987, қазіргі ҚазҰУ) бітірген.
• Маңғыстау облысы Құрық кентіндегі орта мектепте мұғалім (1987–1994)
• Атырау педагогика университетінің (қазіргі Атырау мемлекеттік университеті) Ақтау бөлімшесінде (1994–2000) оқытушы, аға оқытушы қызметтерін атқарды. 2000 жылдан осы университетте кафедра меңгерушісі.

Ғылыми еңбектер

• «Жыраулар поэтикасындағы дүниенің концептуалдық бейнесі» деген тақырыпта докторлық диссертация қорғады.
• 40-тан астам ғылыми жарияланымның, 2 монография мен 4 оқу құралының, 6 оқу-әдістемелік нұсқаулықтың авторы.