Бижамал Далабайқызы Кемалова

Бижамал Далабайқызы Кемалова (1958 жылы туған), актер. Бұқар жырау ауданының түлегі. Алматы мемлекеттік театр және өнер институтын бітірген (1983). 1976 жылдан С. Сейфуллин атындағы Қарағанды облыстық Қазақ драма театрының артисі. Үздік шыққан рөлдері О. Иоселианидің «Арбаң аман болсын» — Кесария, С. Ахмадтың «Келіңдер көтерілісі» — Мухайе, О. Бөкейдің «Желтоқсан желі» — Анар. 2002 жылы Мәдениет министрлігінің «Мәдениет қайраткері» құрмет белгісімен марапатталған.