Бимырза Қожамбердіұлы

Бимырза Қожамбердіүлы (1868, Түркістан облысы, Отырар ауданы Көксарай ауылы - 1954, Отырар ауданы, Қоғам ауылы) — саяси қуғын-сүргін құрбаны.

Әкесі Қожамберді орта шаруа болғанымен, Бимырза жастайынан еңбекке араласып, егіс егіп, мал өсіру арқылы өңірдегі ауқатты адамдардың біріне айналады. 15 мың қойы, 5 мың түйесі, 1500 жылқысы 1929 жылы тәркіленіп, өзі 3 жылға Қарғалы ауылына еңбекпен түзеу жұмысына жіберілген. 1930 жылы өзі сұранып, Шәуілдір қаналын қазуға қатысқан. 1931 жылы қайтадан қамауға алыпады. 1934 жылы ақталып, 1936 жылы Шеңгелді (қазіргі Ұзынқұдық) деп құрылған ұжымшарға мүше болған. Бимарза көшіп-қонған аумақта "Бимырза" құдығы (қазіргі Шардара ауданы) бар. Бимырзаның аймакқа даңқы жайылған Сары деген бәйге аты да болған. Бимырза ұрпағы қазір аудан аумағында, Қоғам ауылында өмір сүреді.[1]

Дереккөздер өңдеу

  1. Отырар. Энциклопедия. – Алматы. «Арыс» баспасы, 2005 ISBN 9965-17-272-2