Биологиялық құралдар

Биологиялық құралдар, тірі жәндіктер мен өсімдіктердің организмдерін зақымдай алатын биологиялық агенттер, биологиялық қарудың басты бөлігі. Оған ауру жұқтыратын (патогендік) микроорганизмдер және олардың тіршілік етуінің жоғары уытты өнімдері (улағыш заттар). Бұған адамдар мен жануарларды жаппай ауыртатын (бөртпе сүзек, тырысқақ, шешек, оба, сап және басқалар), өсімдіктерді зақымдайтын (дәнді дақылдардың тотығы күріштің бласты, картоптың фитофторозы және басқалар) жатады.

Дереккөздер

Төтенше жағдайлар және азаматтық қорғаныс: Энциклопедиялық анықтамалық. / Бас ред. Б.Ө. Жақып. – Алматы: «Қазақ энциклопедиясы»,2011. – 640 б. Қазақша-орысша, орысша-қазақша.ІSBN 9965-893-69-1