Биоспутник

Биоспутник — биологиялық зерттеулер жүргізуге арналған ғарыштық аппарат. Алғашында оны ғарыштық ұшулардың тірі ағзаларға әсерін зерттеу үшін қолданған. Ал қазіргі уақытта оны микрогравитацияны, ғарыштық радиацияны зерттеу үшін қолданады.

АҚШ-тағы Биоспутник-3

Тарихы

КСРО және Ресей

Ең алғашқы кеңестік спутник Спутник-2 болып есептелінеді. Ол спутник Лайка итімен бірге ұшты. Оның негізгі мақсаты - ғарыштық сапарлардың тірі ағзаға әсерін зерттеу. Бірақ оның Жерге қайтуға мүмкіндігі болмады. 1960 жылы Спутник-5 ұшырылды. Ол жануарлардың Жерге аман-есен оралуын қамтамасыз етті. Спутниктерді ұшыру 1961 жылға дейін жалғасты. 20-ғасырдың 70-жылдары КСРО жаңадан “Бион” программасын шығарды. Ол әлі күнге дейін іске асуда, қолданылуда. КСРО уақытында “Бион” 9 рет ұшырылды. Ал Ресей 3 рет ұшырды. Соңғы біреуі 14 наурыз 2013 жылы ұшырылды. 2020 жылы екі жоба іске асырылмақ. Олар: Бион-М2 және Бион-М3.

АҚШ

1966-1969 жылдары NASA 3 рет биоспутник ұшырды. Оның ең алғашқысы, яғни Биоспутник-1-дің ұшырылуы сәтсіз өтті. Екінші спутник өзінің алдына қойылған мақсаттарға жетіп, тапсырмаларды орындады. Ал үшінші спутниктің нәтижесі өте жақсы болды.