Бисенғали Қабиұлы Зейнол-Ғабден

Бисенғали Зейнол-Ғабден (21 қаңтар, 1950, Атырау облысы, Құрманғазы ауданы, Алға ауылы) - қазақ әдебиетін зерттеуші, филология ғылымдарының докторы (1997), профессор (1999).

Өмірбаяны

• 1966 жылы - Сафон селосындағы орта мектепті бітіріп, осында аға вожатый болып педагогтік еңбек жолын бастаған.
• 1972 жылы - ҚазМУ-дің филология факультетін үздік дипломмен тамамдаған.
• 1978 жылы - ҚазМУ-дің қазақ әдебиеті кафедрасының аспирантурасына қабылданған.
• 1981 — 1983 жылдар аралығында - «Қазақ тілі мен әдебиеті» кабинетінде жүмыс істеген, лекциялар оқыған, практикалық сабақтар жүргізген. Студенттердің оқу практикаларымен Қызылорда, Оңтүстік Қазақстан облыстарындағы фольклорлық-диалектикалық экспедицияларға қатысқан.
• 1984 — 1986 жылдары - «Мектеп» баспасының Жоғары оқу орындары қоғамдық-гуманитарлық редакциясының аға редакторы және филология факультетінде «Қазақ әдебиетінде проза жанрының қалыптасуы» атты арнаулы курс пен «Қазақ әдебиеті тарихынан» лекциялар оқыған.
• 1986 жылдан - қазақ әдебиеті кафедрасында қызмет істеген.
• 1999 жылдан - қазақ әдебиеті кафедрасының профессоры,
• 2001 жылдан - қазақ әдебиеті кафедрасының меңгерушісі.

Ғылыми жұмысы

• 1984 жылы - профессор Б.Кенжебаевтің басшылығымен «XX ғасыр басындағы қазақ прозасы» тақырыбына кандидаттық,
• 1997 жылы - «XX ғасыр басындағы қазақ романы» тақырыбында докторлық диссертация қорғаған.

Шығармалары

• «Қазақ романы»
• «Казахская проза в начале XX века» сияқты монографиялардың авторы.
• «40-60-шы жылдардағы Қазақ әдебиеті»
• «Жазушы шеберлігі»
• «С.Мұқанов»
• «Ғ.Мүсірепов»
• «Қазіргі әдебиеттанудың өзекті мәселелері» сияқты оқу құралдарын жарыққа шығарған.

Қоғамдық қызметі

• Ш.Айтматов атындағы Халықаралық академияның академигі (2003).