Боб Фосс

Роберт Луис (Боб) Фосс (ағылш. Robert Louis "Bob" Fosse, фамилиясының тіке транскрипциясы — Фосси; 23 маусым 1927(19270623), Чикаго — 23 қыркүйек 1987, Вашингтон) — американдық кинорежиссёр, хореограф, сценарист жəне актёр.

Боб Фосси
ағылш. Bob Fosse
Жалпы мағлұмат
Туған кездегі есімі	Роберт Луис Фосси
Туған күні	23 маусым 1927 (1927-06-23)
Туған жері	Чикаго, АҚШ
Қайтыс болған күні	23 қыркүйек 1987 (1987-09-23) (60 жас)
Қайтыс болған жері	Вашингтон, АҚШ
Азаматтығы	АҚШ
Мамандығы	режиссёр, хореограф, актер, сценарийші
Белсенді жылдары	1940—1987
Бағыты	мюзикл, драма
Марапаттары	«Оскар» (1973) BAFTA (1973)
IMDb	ID 0002080
Боб Фосси Ортаққорда

Өмірбаяны

13 жасынан сахнада өзіндік би қойылымдарымен өнер көрсететін. Соғыс кезінде Тынық Мұхиттағы əскери базаларда музыкалық шоумен бірге гастрольдік сапарлар өткізді.

1950 жылдардың басында екінші Фред Астерге айналуды армандап, Голливудқа көшіп келеді. Ол «Give A Girl A Break», «The Affairs of Dobie Gillis», «Kiss Me, Kate» секілді музыкалық фильмдерде түсуді бастайды. Дəл осы кезеңде Фосс алғаш рет хореограф жəне қоюшы қызметтерінде жұмыс істейді. Оның бұл тəжірибесі Нью-Йорктен шыққан продюсерлердің назарын аударды.

1954 жылы Фосси Бродвейде өзінің алғашқы мюзиклі «Пижама ойынын» қояды. Одан кейін көрсетілген «Damn Yankees», «Sweet Charity», «Pippin» секілді қойылымдары оны Бродвейдің жұлдызына жəне ең танымал қоюшылардың біріне айналдырды. Фосси өзінің бірден танылатын стилі мен джаздық бидің хореографилық мəнерін жетілдірді.

1960 жылдардың соңынан Фоссидің кинематографиядағы мансабы басталады. 1969 жылы Бродвейде қойған «Сүйкімді Чарити» атты мюзиклдің желісі бойынша алғашқы музыкалық фильмін түсіреді. 1972 жылы бүкіл əлемге танылған «Кабаре» фильмін түсіреді. Фосси шығармашылығындағы айтулы еңбектерінің тағы біреуі «Джаз: толық нұсқасы» атты автобиографиялық фильм болды. Бұл фильм «Оскар» сыйлығымен қатар Каннадағы кинофестиваль сыйлығына ие болған.

Фосси 1987 жылдың 23-қыркүйегінде жүрек ұстамасынан қайтыс болды. Бұл кезде Фосси Вашингтонда «Сүйкімді Чарити» қойылымын дайындап жатқан болатын.

Отбасы

1951—1959 жылдар аралығында Фосс биші Мэри Эни Нилспен некеде болған. 1960 жылы Боб Фосс көптеген мюзиклдердің танымал актері Гвен Вердонға үйленеді. Екінші некеден оның Николь Фосс атты қызы бар.

Фильмографиясы

Режиссёр ретінде

• 1969 — «Сүйкімді Чарити» / «Sweet Charity»
• 1972 — «Кабаре» / «Cabaret»
• 1974 — «Ленни» / «Lenny»
• 1979 — «Джаз: толық нұсқасы» / «All That Jazz»
• 1983 — «Жұлдыз-80» / «Star 80»

Сценарист ретінде

• 1979 — «Джаз: толық нұсқасы» / «All That Jazz»
• 1983 — «Жұлдыз-80» / «Star 80»

Марапаттары

• «Кабаре» фильміндегі үздік режиссерлік қызметі үшін берілген «Оскар» сыйлығы (1973 ж.)

Сыртқы сілтемелер

• Bob Fosse american choreographer.