Бозбала мен бойжеткен

"Бозбала мен бойжеткен" – 1994 жылы "Қазақстан-1" телеарнасы бойынша жастар арнасынан берілген хабар . Бастапкыда көнілашарлық сипатта болып, қыздар мен жігіттерді таныстыру мақсатын көздеді. Бұл ОРТ-ның "Любовь с первого взгляда" (көңіл көтеру бағдарламасы) хабарына еліктеуден туған еді.

Алайда "Бозбала мен бойжеткеннің" мақсаты екі жасты қосу емес. Өнерлі жастарды халықка таныстырып, олардың білім деңгейін көтеру болды, онда әлеуметтік мәселелер сөз етілді. Хабар арқылы жастар өміріне байланысты көзқарасын ашық айтуға мүмкіндік алды. "Бозбала мен бойжеткен" жастардың танысып, көңіл көтеріп, пікірлесетін ортасын қалыптастырды. Осылайша ойын-сауыққа негізделген хабардың біртіңдеп талантты жастарды аудиторияға таныстыруға, олардың дүниетанымын, ой-өрісін, білімін байқауға көбірек ойысты. Хабардың тақырыбы жастар үшін ең өзекті мәселелерді қозғады.

Қазақ халқының тарихы, әдебиеті, мәдениеті, өнері, тілі, діні, патриотизм, қазақ жастарының ұлттық ой-өрісі, санасы, білімге құштарлығы, рухани дүние және байлық, қылмыс пен парақорлық, жұмыссыздық, қоғамдағы әлеуметтік теңсіздіктер, кәсіпкерлік, мал табу, сауда-саттық, қиындықка төзбей рухани азғындаған жастар т.б. көкейтесті, көлеңкелі мәселелердің көпшілігі осы хабарда қозғалды.

1997 жылы екінші жартысынан бастап "Бозбала мен бойжеткен" эфирге шығуын тоқтатты. Бағдарлама жургізушісі - Қ.Өскенбаев.