Болат Ахметұлы Жұбанов
Болат Ахметұлы Жұбанов (4.2.1929 жылы туған, Ақтөбе облысы, Темір ауданы 9-а.) – ғалым, химия ғылым докторы (1968), профессор (1969), Қазақстан Ғылым Академиясының академик (1975), Қазақстанның еңбек сіңірген ғылым қайраткері (1979).
| Болат Ахметұлы Жұбанов | |
| Туған күні |
Lua error Module:Wikidata ішіндегі 39 жолында: attempt to concatenate field '?' (a nil value). |
|---|---|
| Қайтыс болған күні | |
| Қайтыс болған жері | |
| Азаматтығы | |
| Ғылыми аясы | |
| Жұмыс орны |
Химия ғылымдарының институты |
Әлімұлы тайпасының Шекті руынан шыққан[1].
Мәскеу химия-технология институтын (1952) және оның аспирантурасын (1955) бітірген. 1955 – 56 жылдарын КСРО Ғылым Академиясының Элементорганикалық қосылыстар институтының кіші ғылым қызметкері, 1956 – 68 жылдары Қазақстан Ғылым Академиясының Химия ғылымдары институтының кіші, аға ғылым қызметкері, директоры (1968 – 88), 1972 – 94 жылы Қазақстан Ғылым Академиясыныңның Химия-технология ғылымдары бөлімшесінің академик-хатшысы, 1963 – 69 жылдары ҚазМУ-дің жоғары молекулалық қосылыстар химиясы кафедрасының ұйымдастырушысы және меңгерушісі әрі профессоры болды. 1969 жылдан Қазақстан Ғылым Академиясының Химия ғылымдары институтының полимерлер синтездеу лабараториясының меңгерушісі. Негізгі ғылыми еңбектері макромолекула түзілу процесін зерттеуге, жаңа мономерлерді, жылуға және отқа төзімді, медицинада қолданылатын полимерлерді, композициялық материалдарды алуға арналған. Поликонденсациялық процестердің теориясы мен практикасын дамытуға үлкен үлес қосты. “Ассоциативті поликонденсация” деп аталатын полимер түзілудің жаңа процесінің негізгі принциптерін жасады. Бұл принциптер көпфункционалды мономерлерді қолдану арқылы полимерлерді синтездеудің жаңа әдісін жасауға мүмкіндік туғызды. Жұбанов полимерлер алуға мүмкіндік беретін поликонденсациялық процестер катализінің ғылыми негіздерін жасады. Жаңа дәрілік препараттар – анальгетиктер, анестетиктер, туберкулез бен қатерлі ісікке қарсы және кардиотропты заттар алды. Қазақстан Мемлекеттік сыйлық лауреаты (1984).[2]
Шығармалар өңдеу
Шығармалар: Введение в химию поликонденсационных процессов, А.-А., 1974; Новые термостойкие гетероциклические полимеры, А.-А., 1979 (соавт.); Атлас инфракрасных спектров некоторых гетероциклических мономеров и полимеров, А.-А., 1984 (соавт.); Координация и катализ полимеризации олефинов, А.-А., 1987 (соавт.).[3]
Дереккөздер өңдеу
- ↑ Жауапты редакторлар:Филол.ғ.д., профессор А.Қ.Жұбанов, Филол.ғ.к., доцент С.Құлманов ҰЛЫДАЛА ТҰЛҒАЛАРЫ: ҚҰДАЙБЕРГЕН ЖҰБАНОВ (қаз.). А.Байтұрсынұлы атындағы Тіл білімі институты (2013). Тексерілді, 28 мамыр 2020.
- ↑ Қазақ энциклопедиясы, 4 том;
- ↑ Қазақстан Республикасында кімнің кім екені - 2011. 2 томдық анықтамалық. Алматы, 2011 ІSВN 978-601-278-473-2