Болгар ғылым академиясы
Болгар ғылым академиясы (БҒА) – Болгарияның жоғары ғылыми мекемесі. Софияда орналасқан.
Болгар эмигранттары 1869 жылы Румынияның Браила қаласында Болгар білім құмарларының қоғамын («Българско книжовно дружество») құрды. Болгар ғылым академиясы соның негізінде 1911 жылы құрылды. Болгарияда халық өкіметінің орнауына дейін (1944 жылы), Болгар ғылым академиясы мәдени-ағарту, баспа жұмыстарымен ғана шұғылданды. Ол 1949 жылы қайта құрылып, Болгария Министр Кеңесінің қарауына өтті. Болгар ғылым академиясының басқару мүшелері сайланады. Жоғарғы басқару мүшесі – Жалпы жиналыс, Төралқа және Төралқа бюросы. 1970 жылы Болгар ғылым академиясының 9 бөлімі болды, олардың құрамына 50 ғылым-зерттеу институты енеді. Академияның құрамында (1970 жылы) 46 академик, 53 корреспандент мүше, 68 шетелдік мүше (оның 16-сы кеңес ғалымы) бар. Үлкен кітапхана (кітап қоры 850 мың том) жұмыс істейді.
Болгар ғылым академиясының ғылым-зерттеу еңбектерінің қорытындылары «Баяндамалары» мен «Хабарларында», басқа да ғылыми мерзімдік баспаларда жарияланып тұрады.
Болгар ғылым академиясы – көптеген халықаралық ұйымдар мен қоғамдардың (ЮНЕСКО, Халықаралық ғылыми одақтар советінің тағы басқа) мүшесі.[1]
Дереккөздер
өңдеу- ↑ Қазақ совет энцеклопедиясы. 2 том.
| Ортаққорда бұған қатысты медиа файлдар бар: Category:Bulgarian Academy of Sciences |