Брихандишвара ғибадатханасы

Брихандишвара Мандир ғибадатханасы - 1002 – 1010 жылдар аралығында Раджараджа Чола императоры салғызған. Ғибадатхана Танджавурде бой көтерген. Брихандишвара ғибадатханасы сәулеті жағынан ең көрнекті, үлкен және оюлармен бай безендіріліп, жақсы сақталған ғибадатхана болып табылады. Ол екі қалың дуалмен қоршалған квадратты еске салады. Барлығы гранит блоктар және ішінара кірпіштен салынған және талғамды мүсіндер безендірілген. Брихандишвара Мандир ғибадатханасының бірегей ерекшелігі , оның биік қақпасы емес, киелі мүсіндер орналасқан ғимараты. 13 қабаттан тұратын вимана ғимаратының биіктігі 66 метр , 80 тоннадан астам салмағы бар тас монолитті блоктан тұратын мұнарасы сән беріп тұр. Бұл ғибадатхананың бұлай тұрғызылуы әлі күнге дейін құпия болып келеді. Брихандишвара ғибадатханасы - Үндістандағы ең биік ғимарат болғанына қарамастан вимана қай жыл мезгілінде болсын, түс кезінде ешқандай көлеңке түспейтіндей етіп салынған. Брихандишвара ғибадатханасының ауласында, шамамен салмағы 20 тонна , Нандидің, Шиваның бұқасының ірі мүсіні бар. Кейбір аңызға сүйенсек, бір уақыттарда бұрынғы қасиеттілігін жоғалтыпты деседі. Өйткені бір мүсәпір кісінің ғибадатханаға кіруіне тиым салынғаннан туған өкпесі себеп болған. Ғибадатхана мүсіндермен безендірілген. Осыдан біраз жыл бұрын, Үндістанда археологиялық зерттеулер қоғамы осы қабырғадағы картиналар, Чола дәуірінің бастапқы кезеңін бейнелеген деген. Мұқият қалпына келтіру барысында , оның серіктері мен бишілерінің тамаша суреттерімен картиналарын ашқан. Брихандишвара ғибадатханасы толық аяқталғанда , тамаша рәсім өткізген. Ғибадатхана қызметкерлері үшін сыйлықтар және қаражат көзделген. Раджараджа Чола 26 жылы билік құрған кезінде, осы күнге дейін ғибадатхананың ең жоғарғы жағында орналасқан алтын садақты берген. Бүкіл ғимараттың айналасы ежелгі жазумен бейнеленген. Бұл жазуларға шамамен мың жыл болған.