Виктор Иванович Быковский

Виктор Иванович Быковский (15.05.1919, Ресей, Саратов облысы, Балашов ауданы, Терновка ауылы - 31.7.1973, Молдова, Кишинев қаласы) - 2-дүниежүзілік соғысқа қатысушы, лейтенант, әскери фельдшер, взвод командирі.

Петропавлға 1935 жылы келіп, медициналық училищені бітірген. 1939 жылы Кеңес әскері қатарына алынды. 1941 жылы Катта-Курган қаласында орналасқан 213-атқыштар дивизиясының пулеметшілер батальоны 201-бөлімше құрамында болды. 1942 жылдан майдандағы армияда, 224-гвардиялық атқыштар полкі санитарлар взводының (Дала майданының 72-гвардиялық армиясы) командирі болды. Быковский 1943 жылы Днепропетровск облысы Верхнеднепровск ауданы Бородаевка ауылы үшін болған ұрыста ерекше көзге түсті. Осы ұрыста көрсеткен ерлігі үшін Быковскийге КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (26.10.1943).

Соғыстан кейін Быковский Ангарск, Иркутск және Кишинев қалаларында қызмет етті.