Біз үштөбелікпіз

Біз Үштөбелікпіз -"Қазақтелефильм" студиясының 2 бөлімді, орыс тіліндегі, ақ-қара түсті фильм-концерті (1978). .

Фильм барысы

Бұл деректі комедия жанрындағы түсірілім. Үштөбе ауданындағы корей әуесқой артистерінің бағдарламасы әзіл ән, юморлы көріністерден тұратындықтан телетуынды комедияға қолайлы болды. Сол бағдарламаны негізге алып, сценарий жазылды. Сюжеттік желіге қыз бен жігіттің сүйіспеншілігі алынады. Жұмыстан кейін тракторын доғарып тұрған жігіт сәнді киінген автобуспен кетіп бара жатқан жастарды көреді. Ірі планда ол ұнатқан қыз көрінеді. Оларға ілесе алмай, кешіккен жігіт велосипедке мініп жүйтки жөнеледі.

Жолда арыққа тайып құлап, үсті-басы бүлінеді. Соған қамығып жардың жағасында жалғыз шошайған жігіт әлдебір мұңды ән айтады. Кешкі табиғат. Сарғыш-қызыл көкжиек. Сылдырап аққан су көрініс береді. Параллель монтажда жігіттің ғашығы сахнада ән орындайды. Концерт біткен соң қыз жігітті іздейді. Жігіт алдынан шыға бере үстінің лас екенін көріп қашады. Қыз түнгі бақтан жігітті іздейді. Ән айтады. Осылай біршама концерттік нөмірлер беріледі.

Фильмнің финалында екеуі табысып, қосылып ән айтады. Бүларды бүкіл өнерпаз қауым қоршап, табысқан сәтте фильм аяқталады.

Режиссеры — Сон-и-Сон, операторы — Ә.Амангелдиев.