Бір хаттың ізімен

"Бір хаттың ізімен" - телеэкспедиция (Қазақ теледидары) хабары.

Идеясын ойластырған және тұсауын алғаш кескен, авторы - Қажы Корғанов. Ай сайын көрерменмен эфирде жолығысып, сан алуан тағдырлармен кездескен автордың көтерген мәселесі көптің көкейінен шығып жатты. Әрі редакцияға күн сайын келіп жататын алуан тақырыптағы хаттардың артында адам тағдыры, ел тағдыры, қоғамның толғақты проблемасы күн тәртібіне өткір қойылып, автор соны шешу жолдарын өзгелермен бірлікте іздестіріп отырды. Автор жеке адамнан қоғам, қоғамнан мемлекет құралатындығын есінде берік ұстанып, соны өмірінде бек ұстанған жан. Елеусіздеу жайдан, келелі мәселе туындап, ол келе-келе қоғамдағы әлеуметтік проблемаға дейін ұласты. Осы хабары арқылы автор қаншама тағдырдың сөнуге айналған жүрегіне жылу берді, үміті үзілген жанның көкірегіндегі үміт отын қайта тұтатты.