Бүршікті таға
Бүршікті таға, емшекті таға – қазақ арасында қолданыста болған көшпелі ортаның талаптарына үйлескен қалың әрі үш-төрт жерінде тиянағы бар тағаның ерекше түрі.
Сипаты
өңдеуТағадағы ат тұяғының маңдайын және артқы жерсоғары өкшесінің екі жағын қауып келетін тұстарына бүртіктер жасалады. Ол "тиянақ" деп аталады. Мұндай таға түрі ұзақ жүріске, жортуылға арналған мініс атына сондай-ақ қыста мінілетін атты осындай тағамен тағалайды.
Егер кәдімгі тағамен тағаласа ұдайы күш түсуден болып ол орнынан қозғалып, босап кетеді де, орта жолда ат тағасы ұшып кетпеуі үшін тұяққа берік орнығып, тиянақты мықты тұратын осындай тағамен тағаланады.
Ана тілімізде кездесетін өз ісінің шебері, әрі ұқыпты адамға қатысты айтылатын тиянақты сөзі тиянақ атауына байланысты қалыптасса керек.[1]
Дереккөздер
өңдеу- ↑ ҚАЗАҚТЫҢ ЭТНОГРАФИЯЛЫҚ КАТЕГОРИЯЛАР, ҰҒЫМДАР МЕН АТАУЛАРЫНЫҢ ДӘСТҮРЛI ЖҮЙЕСI. Энциклопедия. – Алматы: РПК “СЛОН”, 2012. – (илл.) ISBN 978-601-7026-17-23-том: К – Қ – 736 бет.ISBN 978-601-7026-21-9
Әдебиеттер
өңдеу- Шойбеков Р.Н. Қазақ зергерлік өнерінің лексикасы. Алматы: Қазақстан, 1993;
- Шоқпарұлы Д., Д. Дәркембайұлы. Қазақтың қолданбалы өнері. Алматы: Алматыкітап, 2007.