Бүріспе саңырауқұлақ

Бүріспе саңырауқұлақ - қалпақшасының бетіндегі жемістік денелері қыртыстарында (апотеций) аскоспоралары жетілетін дискомицеттердің туысы. Түрлері ерте көктемде немесе күзде орманда өседі. Апотецийлерінде асклар мен парафизалардың (бедеу клетка) қатарласып жетілуінен түзілген гимений қабаты болады. Аскаларының арнайы қақпағы ашылып, аскоспоралары шашылып таралады. Жемістік денесінің қалған бөлімі жіпшумақтан тұрады. Жеуге жарайтын саңырауқұлақтар. Құрамындағы улы гельвелл қышқылы кептіргенде немесе қайнаған суда 5-7 минут ұстағанда ыдырап залалсызданады.