Бұршақтастар

Бұршақтастар. Геологияда: шағын ғана (диаметрі 1–2 мм-ден 2–3 см-ге дейін) дөңгелек түйіршіктерден тұратын тасберіштер (конкреция). Әсіресе темір, алюминий, марганец тотықтары түріндегі бұршақтастар әр түрлі жыныстар құрамында біршама жиі ұшырасады, бұлардың ірі шоғырлары бұршақтасты рудалар түзуі ықтимал. Диаметрі 1–2 мм-ден аспайтын және ішкі құрылысы мейілінше қарапайым бұршақтастар глобулдар деп аталады. Бұршақтастардың ішкі кұрылысы бір-біріне кигізілген концентрлі қабыршақтардан (кәдуілгі пияз сияқты) тұрған жағдайда, оларды пизолиттер деп атайды.