Бұрынғы Мұсылман мектебі ғимараты
Бұрынғы Мұсылман мектебі — Астана қаласындағы XIX ғасырдың ғимараты, республикалық тарихи-мәдени маңызы бар ескерткіш.
Ағаш сәулет өнерінің ерекше үлгісі болып танылатын бұл ғимарат Абай көшесі мен Республика даңғылының қиылысында орналасқан.
Тарихы өңдеу
Үйді ақмолалық көпес С. Белов салдыртқан. Кейін көпес үйді татар-мұсылман қауымдастығына сатады. Ескерткіштің бұдан кейінгі тарихы білім беру саласымен байланысты болады.[1]
Бұл жерде ХХ ғасырдың басында Ақмоланың ең алғашқы мұсылман мектебі орналасқан. 1907 жылдан бастап медреседе қырғыз-татар бастауыш мектебі өз қызметін атқара бастаған, онда 27 оқушы дәріс алған. 1912-1916 жылдары мұнда қоғам қайраткері, жазушы Сәкен Сейфуллин дәріс берген. Кейіннен мектеп 7 жылдық білім жүйесіне ауысты. № 29 үйде (қазіргі Отырар көшесі, 1/2) қыздар, ал № 31 үйде (Отырар көшесі, 1/3) ұлдар оқыды.[2]
1960 жылдардың басында ғимарат балалар бақшасына беріліп, 1990 жылдардың ортасына дейін пайдаланылса, 1996 жылы Қалибек Қуанышбаев атындағы қазақ мемлекеттік академиялық музыкалық драма театрына берілді. Қазіргі уақытта театрдың реквизиттер даярлайтын көркем-қойылымдық шеберханасы ретінде пайдаланылып келді.[1]
Дереккөздер өңдеу
- ↑ a b Бұрынғы Мұсылман мектебі
- ↑ Астананың киелі жерлер картасына енген мәдени ескерткіштер Мұрағатталған 24 тамыздың 2017 жылы.