Бұрғылау балғасы

Бұрғылау балғасы, перфоратор — тау жынысы, бетон, кірпіш қаламасы сияқты табиғи және жасанды материалдарда шпурлар (кейде ұңғымалар) бұрғылауға арналған айналма және ұрма-соқ әрекетті машина. Бұрғылау балғасы — негізінен электрлік және пневматикалық машина. Кейде бензинді қозғалтқышпен жабдықталған мотоперфораторлар да қолданылады. Бұрғылау балғасы қолмен атқарылатын Бұрғылау балғасы (массасы 10 — 30 кг, жеңіл, орташа және ауыр), бұрғылау арбасына қондырылған не автоматты түрде жеткізушісі бар бағанаға орнатылған бағаналық Бұрғылау балғасы (массасы 50—70 кг) және жоғары бағытталған шпурларды бұрғылауға арналған телескоптық Бұрғылау балғасы (массасы 30—50 кг) болып ажыратылады. Діріл мен шуылдың зияндылығын азайту үшін Бұрғылау балғасында діріл өшіргіш тұтқалар және тұншықтырғыштар пайдаланылады.

Дереккөздер өңдеу

Қазақ энцклопедиясы II том

Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.