Бұқтырма уезі

Бұқтырма уезі
	Уез
	Бұқтырма уезі
Әкімшілігі
Кіреді	Семей губерниясы
Әкімшілік орталығы	Үлкен Нарын
Тарихы мен географиясы
Құрылған уақыты	1920
Таратылған уақыты	1928

Бұқтырма уезі – 1920-1928 жылдардағы Алтай мен Семей губерниясының құрамындағы әкімшілік-аумақтық бірлік.

Тарихы

Бұқтырма уезі 1920 жылы Змейногор уезінің бір бөлігінен құрылды. Бастапқыда онда 15 болыс болды: Богатыревская (орталығы — Богатыревское ауылы — қазіргі Алтай ауданы, Богатырево а.), Бұқтырма (орталығы — Снегирево ауылы — қазіргі Алтай ауданы, Снегирево а.), Жоғарғы Бұқтырма (орталығы — Сенное ауылы - қазіргі Катонқарағай ауданы, Сенное а.), Защитная (Защита станциясы — қазіргі Защита станциясы (Өскемен қаласының ауданы)), Зырян (орталығы — Зырян ауылы — қазіргі Алтай қаласы), Красивая (орталығы — Красовое а.), Кутузовская (орталығы — Кутузовское а.), Никольская (орталығы — Никольское ауылы — қазіргі Алтай ауданы, Никольское а.), Петровская (орталығы — Петровское а.), Пограничная (орталығы — Пограничное а.), Полтавская (орталығы — Полтавское а.), Самар (орталығы — Самар ауылы — қазіргі Көкпекті ауданы Самар а.), Солоновская (орталығы — Солоновское ауылы — қазіргі Қатонқарағай ауданы, Солоновка а.), көшпелі Уркорская, Черновская (орталығы — Черновское ауылы — қазіргі Катонқарағай ауданы, Аққайнар а.).

1921 жылы маусымда уез Семей губерниясына берілді.

1923 жылы әкімшілік-аумақтық бөлініс реформасы жүргізіліп, болыстар саны 11-ге дейін қысқарды: Алтай (орталығы — №8 ауыл), Буденновская (орталығы — Полтавское ауылы), Зырян (орталығы — Зырян ауылы), Катонқарағай, Күршім (орталығы — №7 ауыл), Нарым (орталығы — Ноғман, Нұғман ауылы, қазір Бұқтырма су қоймасының түбінде), Поздняковская, Пролетарская (орталығы — Череменское ауылы), Темір-Тұрғысын (орталығы — Парыгино ауылы - қазіргі Алтай ауданы, Парыгино ауылы), Тимофеевская (орталығы — Бақты ауылы, Бұқтырма су қоймасының түбінде), Шыңғыстай (орталығы — Қатонқарағай ауылы).

1924-25 жылдары Алтай мен Күршім болыстары Алтай-Күршімге біріктірілді (орталығы - № 8 ауыл), Будённовск және Поздняковск болыстары Тимофеевскаяға, Пролетарская және Темір-Тұрғысын — Зырянға қосылды.

1928 жылы 17 қаңтарда Бұқтырма уезі таратылды. Оның аумағы Қазақ АКСР Семей округіне өтті.

Сілтеме

Қазақ КСР әкімшілік-аумақтық бөлініс анықтамалығы (1920 ж. тамыз — 1936 ж. желтоқсан). — Алматы, 1959.