Бәйсейітова көшесі (Алматы)

Бәйсейітова атындағы көше (Алматы)

Көшеге «қазақтың бұлбұлы» атанған айрықша дарын иесі, күміс көмей әнші, КСРО халық әртісі Күләш Жасымқызы Бәйсейітованың есімі 1957 жылы берілді. Бәйсейітова Күләш (Гүлбахрам) Жасымқызы (1912-1957) Алматыда дүниеге келген. «Қыз Жібек», «Біржан мен Сара», «Евгений Онегин» т.б. операларда басты кейіпкерлерді сомдаған.

Көше Алмалы және Бостандық аудандарын қиып өтеді. Солтүстіктен оңтүстікке қарай Қабанбай батыр көшесінен басталып, Республика алаңына барып тіреледі. Бұрынғы атаулары: а)Пишпекская көшесі, ә)Алатау көшесі. Көшенің ұзындығы - 1150 метр.