Бәсенов атындағы көше (Алматы)

Бәсенов атындағы көше (Алматы)

Көшеге қазақ халқының талантты ұлы, Алматы қаласының Бас сәулетшісі Төлеу Құлманұлы Бәсеновтің есімі (Алматы қаласы атқару комитетінің 13.10. 1976 № 378 шешімі) берілген. Бәсенов Төлеу Құлманұлы (1909-1976) Ақтөбе облысында Шалқар ауданында дүниеге келген. Ол - Қазақ КСР Министрлер Кеңесі жанындағы Сәулет-жосларлау басқармасының төрағасы қызметін атқарған. Ғ.Мүсірепов атындағы Балалар мен жасөспірімдер театры ғимараты, Абай атындағы Опера және балет театры жобаларының авторы. Даңқ мемориалы мен Аманкелді ескерткішінің сәулетшісі, Достық даңғылын қайта жетілдіру жобасының жетекшісі болған.

Көше Бостандық ауданында шығыстан батысқа қарай Жароков көшесінен басталып, 20-линия көшесіне дейін созылып жатыр. Қаланың Гагарин, Розыбакиев, Тәжібаев көшелерін қиып өтеді. Бұрынғы атауы - Трамвайная көшесі. Көшенің ұзындығы - 1050 метр.