ВЛ80

ВЛ80 Электровозы (Владимир Ленин; алғашқы атауы — Н8О — новочеркасский, 8-осный, однофазный) — осьтік формуласы 2(2₀−2₀) болып келетін, айнымалы токта жұмыс істейтін магистральді жүк электровозы. Лақап атаулары: «Аврора», «Выльник», «Кайсер», «ВОСЬМИДЕСЯТка», «эСка», «эРка», «Тэшка».

ВЛ80 электровозының барлық түрлері ВЭлНИИ жобалары бойынша 1961 -1995 жылдар аралығында Новочеркасск электровоз құрастыру зауытында (Новочеркасский электровозостроительный завод (НЭВЗ)) құрастырылған. Механикалық бөлігі, тартым қозғалтқыштары, көмекші электрлі машиналары зауыттың өзінде дайындаған. Кейбір маңызды жинақтық құрылғыларды басқа зауыттардан алған. Мысалы: тартым трансформаторы, басты сөндіргіш.

Алғашқы кезде ВЛ80 электровоздары сынапты доғалық түзеткіштермен жабдықталды; кейіннен олар кремнийлі түзеткіштермен ауыстырылып ВЛ80^К деп атала бастады.

ВЛ80 жалпы сипаттамасы

Әрбір ВЛ80 электровозы зауыттан екі секциясы біріктіріліп шығарылды, бірақ ВЛ80^с электровоздарының схемасында үш немесе төрт секцияның, ал кейбір ВЛ80^р жаңартылған түрлерінде үш секцияның синхронды жұмысы қарастырылған. ВЛ80 электровозы секциясының механикалық бөлігі екі бірдей екі осьті арбашықтардан тұрады. Арбашық рамасы дәнекерлену арқылы құрастырылған, ал роликты айналшығы бар буксасы арбашық рамасымен сайлент-блоктармен (резиналы металдық шарнирлармен) жетектеме арқылы байланысқан. Тартым және тежеу күштері арбашықтан шанаққа шкворень арқылы беріледі. НБ-418К6 тартымдық электрқозғалқыштары (ТЭҚ) тікелей оське ілінген (тіреу-осьті іліну). Тартымдық қозғалқыш пен қос доңғалақ арасындағы тісті беріліс екі жақтамалы, көлбеу тісті, тәжі қатаң бекітілген тісті доңғалақтан тұрады. Қос доңғалақ диаметрі бандаждар жаңа кезде құжаты бойынша — 1250 мм, шектік өлшемдері — 1280—1290 мм болып келеді.

Әрбір секцияда келесідей негізгі жабдықтар орнатылған:

машинист кабинасының төбесінде орналасқан тоққабылдағыш және ВОВ-25М басты сөндіргіші (ГВ);
май сорғышы бар (МН) тартым трансформаторы, екі ВУК түзеткіш қондырғылары және ЭКГ-8Ж басты контроллері (ВЛ80^р электровозында ВУК түзеткіш қондырғылары және ЭКГ-8Ж басты контроллері екі ВИП-2200 түрлендіргіштерімен алмастырылған);
көмекші машиналардың асинхронды қозғалтқыштары қоректенуі үшін үшінші фазаны (бірінші және екінші фаза ретінде қажеттілік орамдарының түйіндері қолданылады) өндіруші НБ-455А фаза ажыратқышы (ФР);
құрылғыларды суыту және үрлеуге арналған 4 мотор-вентилятор (МВ);
электровоздың барлық пневматикалық жүйесін сығылған аумен қамтамасыз етуші КТ-6Эл мотор-компрессоры (МК).

Түсініктемелер

ВЛ80 // Орысша Уикипедия (GFDL лицензиясы қайнаркөз өңдемелерінің тарихы). Қазақшаға аударылған күні: 24 маусым 2013 жыл