Валерий Яковлевич Оверко

Валерий Яковлевич Оверко (1939 жылы 14 тамызда Алматы қаласында туған) - журналист, Орыс.

Валерий Яковлевич Оверко

Әкесі - Оверко Яков Григорьевич, марқұм. Анасы - Оверко Клавдия Дмитриевна, марқұм.

М. Горький атындағы Орал мемлекеттік университетінің журналистика факультетін бітірген (Свердлов қаласы, 1963), журналист.

«Алтай ертегілері, балаларға арналған әңгімелер» жинағының (1964), «Маршта» очерктер жинағының (1974), «Бір уыс күміс ақша» атты очерктер, әңгімелер жинағының (1980), «Урал», «Уральский следолыт», «Новое время», «Простор» журналдарындағы очерктердің авторы.

КОКП мүшесі (1967-1991).

1983 жылдан - аудандық, қалалық, ауданаралық газеттерінде, облыстық радио мен телевидениеде, Алматы облысының кәсілодақ, партия органдарында қызмет атқарған. 1985 жылдан - Қазақстан Компартиясының Алматы обкомы меңгерушісінің орынбасары.

1989 жылдан бері - «Огни Алатау» облыстық қоғамдық-саяси газетінің бас редакторы.

Қазақстан халқы ассамблеясының мүшесі (1996).

«Астана» (1988), «Қазақстан Республикасының тәуелсіздігіне 10 жыл» (2001), «Қазақстан Конституциясына 10 жыл» (2005) медальдарымен марапатталған. Алматы облысының Құрметті азаматы.

Үйленген. Жұбайы - Оверко Галина Ивановна, микробиолог болып жұмыс істеген. Қыздары - Холшевникова Елена, газетте жұмыс істейді, Ширшова Светлана, газетте жұмыс істейді.