Вальтер Пенк

Пенк (Penck) Вальтер (30. 8. 1888 Вена29. 9. 1923, Штутгарт) — неміс геологы, геоморфологы. Неміс геоморфологиялық мектебінің негізін салушылардың бірі.

Берлин және Гейдельберг университетінен білім алды. 1914 жылдан Лейпциг университетінің приват-доценті. 1915—18 ж. Стамбул университетінде профессор.

Анд, Гавай аралдары, Апенин, Сицилия, Кіші Азия, Орт. Еуропа т. б. аймақтардың геоморфологиясын, геологиясын зерттеді. Жер қыртысының вертикалды қозғалысының және денудация процестерінің әрекеттерінен рельеф пішіндерінің қалыптасуы туралы ілімді жетілдірді. Пенк ұсынған рельефті зерттеу тәсілі (морфол, талдау) жер беті рельефінің, экзогендік процестерінің және тектоник. қозғалыстардың өзара байланыстылығын айқындады. Денудация құбылысының және жер беті көтерілу процесінің қарқындылығына қарай рельеф элементтерінде даму, теңелу және төмендеу. жағдайларының болатынын дәлелдеді. Пенк зерттеулері геоморфологияның дамуына үлкен ықпалын тигізді.