Ван Фанси

Ван Фанси – қытай төңкерісшіл саяси қайраткері. 1907 жылы 16 наурызда Чжэцзян провинциясындағы Ханчжоу жерінде дүниеге келген.

1925 жылы Қытай Коммунистік партиясының жасырын ұйымына кіреді. 1927 жылы Мәскеуге оқуға барады. Сол жерде Лев Троцкийдің жағына шығады. Қытайға қайта оралып, оппозициялық Троцкий ұйымын құрушы болады. Соның нәтижесінде партия қатарынан шығарылады. 1931-1937 жылдары қамауда болады. 1949 жылы халықаралық байланыс орнату үшін Гонконгқа, сонсоң Макаоға жіберіледі. 1975 жылы ол қайтадан көшуге мәжбүр болып, бұл жолы Лидсқа барады. 2002 жылы 30 желтоқсанда 95 жасында қайтыс болады.