Василий Алексеевич Урусов
Урусов Василий Алексеевич (т. ж. белгісіз-1741/42 ж. ө) Орынбор комиссиясының командирі, князь генерал-лейтенант. Ол патша Үкіметінің Қазақстандағы саяси ықпалын нығайтуда едәуір рөл атқарған. Кіші жүз бен Орта жүздің едәүір бөлігінің Россияға қосылуы оның атымен тығыз байланысты. 1740 жылдың тамызында ол Кіші жүз бен Орта жүздің ел билеушілерімен керуен саудасын ұлғайту, қазақ-қалмақ қарым-қатынастарын реттеу, қазақ жеріндегі орыс тұтқындарын қайтару, патша үкіметі мен қазақ шонжарларының арасындағы саяси одақты одан әрі нығайту т. б. мәселелер бойынша келіссөздер жүргізді. Осы келіссөздер барысында Кіші жүз сұлтандары Нұралы, Ералы және Жәнібек батыр бастаған 180 старшын патша үкіметіне адал қызмет ететіні жөнінде ант берген. Сонымен қатар Орта жүздің сол кездегі ханы Әбілмәмбет және Абылай сұлтан өз қарамағындағы рулардың атынан патша үкіметінің қол астында болатынын мойындаған. Сөйтіп, Орта жүздің Россияға қосылу процесі іс жүзінде басталды.
Дереккөздер
өңдеуҚазақ энциклопедиясы 11 том