Василий Андреевич Кошелев

Василий Андреевич Кошелев

Василий Андреевич Кошелев

1948 жылы 3 қазанда РКФСР Башқұрт АКСР Архангельск ауданының Журавлиха ауылында туған. Орыс.

Әкесі - Кошелев Андрей Алексеевич, марқұм, жұмысшы болған. Анасы - Кошелева Мария Захаровна, марқұм, үй шаруасымен айналысқан.

С.М. Киров атындағы Қазақ мемлекеттік университетінің журналистика факультетін бітірген (1977), журналист; халықаралық кәсіби семинар-тренингтерге, оның ішінде АҚШ-та өткен семинарларға (2000-2008) қатысқан. «Лисаковск: істер мен есімдер географиясы» кітабының (1983) авторы, «Үміт қаласы» (1996) кітабының құрастырушысы. «Лисаковск тарту күші» кітабының редакторы (2006), «Лисаковск дегеніміз - біз» тарихи-өлкетанушылық зерттеу жұмысының редакторы (2006); жергілікті, облыстық, республикалық, халықаралық бұқаралық ақпарат құралдарында жарияланған әлеуметтік мәселелер, мәдениет, экология тақырыптарындағы саяси, экономикалық сипаттағы 7000-нан астам мақаланың авторы. «Нұр Отан» ХДП мүшесі ( 2007 жылдан).

1969 жылдың ақпан айынан - «Лисаковская новь» газетінің редакциясында әдеби қызметкер, қалалық, құрылыс бөлімдерінің меңгерушісі . 1974 жылдан - Лисаковск қалалық комсомол комитетінің бірінші хатшысы. 1974 жылдың наурыз айынан - «Лисаковская новь» газеті редакциясының саяси өмір бөлімінің меңгерушісі. 1986 жылдың желтоқсан айынан - «Лисаковская новь» газеті редакциясының редакторы. 1992 жылдың қыркүйек айынан - Лисаковск қалалық әкімшілігі ішкі саясат бөлімінің меңгерушісі. 1993 жылдың шілде айынан - Лисаковск арнайы экономикалық аймағының әкімшілік кеңес төрағасының орынбасары.

1995 жылдың сәуір айынан бері - «Лисаковская новь» газеті редакциясының редакторы. 2000 жылдан бері - «Лисаковская новь» газетінің редакциясы» ЖШС директоры.

Лисаковск қалалық мәслихатының 3-ші (2003-2007), 4-ші шақырылымдарының (2007-2012) депутаты, «Нұр Отан» ХДП өзін-өзі ұсынушы.

ҚР Журналистер одағын қайта құрудың белсенді қатысушысы, мүшесі (2000-2002) . ҚР Журналистер құрудың белсенді қатысушысы, I, II, III ҚР Журналистер конгрестерінің делегаты (2002, 2003, 2004). «Созидание» («Жасампаздық») Лисаковск қоғамдық бірлестігінің негізін қалаушылардың бірі және кеңес мүшесі (2002-2008).

Қостанай облысы бас редакторлар клубының мүшесі «Еңбек ардагері» (1991), «Қазақстан Республикасының тәуелсіздігіне 10 жыл» (2001) медальдарымен, Қазақстанның Құрметті журналисі» (2008) Құрмет белгісімен ҚР Ақпарат және қоғамдық келісім министрлігінің Құрмет грамотасымен (1998) марапатталған. «Таным» сыйлығының лауреаты (2007).

Әскери атағы - қатардағы жауынгер; соғыс уақытындағы әскери газеттің жауапты хатшысы.

Діни көзқарасы - «Отбасылық дәстүрге сәйкес православие дінің ұстанады. Дүниетанымы бойынша атеист. Дәстүрлі әлемдік діндер шектерінде ар-ождан бостандығын жақтаушы».

Саяси қайраткер ретіндегі идеалы - Соломон, С.М. Киров, Н.Ә. Назарбаев (соңғы сайлау кезінде ҚР Президентінің сенімді өкілі болған), В.В. Путин.

Қазақстанның болашағы туралы болжамы - «Әлеуметтік бағытталған экономикаға ие зайырлы демократиялық мемлекет».

Хоббиі - библиофилия, нумизматика.

Сүйіп оқитын әдебиеті - ағылшын, американ, жапон еуропалық көркем әдебиет; деректі әдебиеттер (Еуразия және әлем халықтарының тарихы салысындағы зерттеулер); футурология.

Үйленген.Жұбайы-Кошелева Нина Ивановна (1949 жылы туған) зейнеткер. Қыздары - Минчукова (Кошелева) Светлана Васильевна (1970 жылы туған), Моисеенко (Кошелева) Ольга Васильевна (1975 жылы туған).