Василий Иванович Лебедев-Кумач

Василий Иванович Лебедев-Кумач (Шын фамилиясы - Лебедев; 1898 жыл 5 тамыз, Мәскеу - 1949 жыл 20 ақпан, Мәскеу) - орыс ақыны.

Василий Иванович Лебедев-Кумач
Туған кездегі есімі	Василий Иванович Лебедев
Туған күні	5 тамыз 1898 (1898-08-05)
Туған жері	Мәскеу
Қайтыс болған күні	20 ақпан 1949 (1949-02-20) (50 жас)
Қайтыс болған жері	Мәскеу
Азаматтығы	КСРО
Ұлты	орыс
Қызметі	Орыс ақыны, әншісі
Марапаттары мен сыйлықтары	КСРО Мемлекеттік сыйлығы, 3 орден

Өмірі

Ол 1920 жылдары саяси өткір сықақ өлеңдер мен әңгімелердің, фельетондардың авторы ретінде танылды. Алғашқы шығармалары «Крокодил» т.б. газет, журналда жарық көрді. «Айырылысу» (1925), «Барлық болыстардан» (1926), «Мұңды күлкі» (1927) т.б. өлеңдер жинақтары жеке кітап болып басылды. «Көңілді балалар» (1934), «Цирк» (1936), «Капитан Гранттың балалары» (1936), «Волга-Волга» (1937) т.б. кинокомедиялардың ән мәтіндерін жазды. Лебедев-Кумач есімі кеңес көпшілік әндері жанрының негізін салушылардың бірі ретінде халық арасына кең танылды. Оның «Отан туралы жыры» (1936) қазақшаға аударылған, «Көңілді балалар маршы» (1934), «Қасиетті соғыс» (1941) т.б. шығармалары патриоттық рухқа толы пафосымен, азаматтық асқақ әуенімен жүрек баурайды.

Марапаттары

Лебедев-Кумач КСРО Мемлекет сыйлығының лауреаты (1941). 3 орденмен және медальдармен марапатталған.