Василий Петрович Стасов

Василий Петрович Стасов (04.08.1769, Мәскеу, - 05.09.1848, Петербург) - орыс архитекторы, бертінгі классицизм өкілі.

1802-08 жылдары Франция мен Италияда сәулет өнері саласынан тәлім алды. 1808 жылдан Петербург Көркемсурет академиясында қызмет атқарды (1811 жылдан академигі). 1817 жылы император сарайы құрылсын басқарды. Петербургтегі Павлов полкінің казармасы, Марс алаңы ансамбліндегі монументті ғимараттар, Патша селосындағы (қазіргі Пушкин қаласы) шойын қақпалар, манеж т.б. құрылыстар Стасов қолынан туды. Қысқы сарайдың салтанат залдары мен шіркеулерін, қасбетін 1837 жылы өрттен кейін қалпына келтірді.

Стасов орыс классицизмі соңғы кезеңінің негізгі идеялары мен композициялық әдістерін ілгері дамытты.