Вашингтония
ВАШИНГТОНИЯ (WASHINGTONIA) – пальма тұқымдасына жататын бөлме өсімдігі. Атауы АҚШ Президентінің құрметіне қойылған. Отаны – Оңтүстік Калифорния. Өте жылдам өседі, өз отанында биіктігі 20-30 метр болады. Табиғатта гүлдейді, бірақ бөлмеде өскен вашингтония гүл жармайды. Жапырақтарының әдемілігіне бола жоғары бағаланады. Өз отанында оның тұқымдарынан ұн дайындаса, сабақтарынан арқан, жіп иіреді. Қазақстанда бұл гүлді қыста үй жағдайында, жазда гүлзарларға егеді. Суыққа төзімді әрі күтімі жеңіл болғандықтан, көбінесе кеңселерде жиі қолданады. Вашингтония салқын жерде өңін жоғалтпастан жайқалып өсіп тұра береді.
| Вашингтония | ||||||||
|---|---|---|---|---|---|---|---|---|
 | ||||||||
| Ғылыми топтастыруы | ||||||||
|
Жарығы: өңдеу
Күн сәулесі жақсы түсетін, жарық, кең жерге қою керек. Жазда аулаға шығарып қойса да болады.
Жылуы: өңдеу
Қыс айларында салқын жерде өсе береді, бірақ ауа температурасы 8-10 °C-ден төмен болмауы керек.
Суғарылуы: өңдеу
Жазда жиі, қыс кезінде сирек суғарылады.
Ылғалдылығы: өңдеу
Жапырақтарына су бүркіп тұру қажет.
Қоректендірілуі: өңдеу
Органикалық және минералды тыңайтқышпен айына екі рет қоректендірген жөн, қыс айларында қоректендірілмейді.
Аурулары: өңдеу
Жақсы күтім жасалмаса, жапырақтарында зиянкестер пайда болады. Оларды «Актара» деген арнайы дәрімен (10 л суға 1 г) емдейді.
Көбейтілуі: өңдеу
Тұқымы арқылы көбейтіледі. Топырақ температурасы 25-30 °C деңгейінде болса, 45-60 күнде өніп шығады. Тұқымы арқылы көбейту қиын жұмыс. Сондықтан жас көшетін сатып алуға кеңес береміз.
Сілтемелер өңдеу
- Гүлстан, өсімдіктер туралы сайт Мұрағатталған 20 ақпанның 2012 жылы.
Дереккөздер өңдеу
"Гүлстан" республикалық ғылыми-танмыдық, көпшілік журнал, 2010 жыл ISSN 2078-6727