Вениамин Петрович Юдин
Вениамин Петрович Юдин (1.2.1928, Ресей, Волгоград – 12.5.1983, Алматы) – шығыстанушы ғалым, Қазақстан шығыстану мектебінің негізін салушылардың бірі.
Мәскеу шығыстану институтын бітірген (1950). 1950 – 54 ж. осы институтта аспирантурада оқып, ұйғыр тілінен сабақ берді. 1955 – 60 ж. ҚазПИ-де (қазіргі ҚазҰПУ) тарих-филология факультетінің ұйғыр бөлімінде оқытушы, 1960 – 70 ж. Қазақ КСР-і Ғылым Академиясында Шоқан Уәлиханов атындағы тарих, археология және этнография институтында ғылыми қызметкер, 1970 – 76 ж. ҚазМУ-де (қазіргі ҚазҰУ) Қазақстан тарихы кафедрасында аға оқытушы, 1976 – 83 ж. Қазақ КСР-і Ғылым Академиясында тіл білімі институтының ұйғыр бөлімінде ғылыми қызметкер болып істеген.
Юдин қазақ халқының 14 – 18 ғасырлардағы тарихын парсы және түркі деректері бойынша зерттеді. Моғолстан, моғол этносы мен оның Орталық Азияға тигізген әсері және қазақ, ұйғыр, т.б. халықтармен этностық байланыстарының тарихи ықпалы қарастырылды. Өтеміс қажының “Шыңғыснамасын” орыс тіліне аударды. Юдиннің 90-нан астам ғылыми еңбектері жарық көріп, қазақ, ұйғыр, ағылшын тілдеріне аударылған.[1][2][3][4]
Дереккөздер:
өңдеу- ↑ Қазақ энциклопедиясы, 10 - том
- ↑ Материалы по истории казахских ханств 15 – 18 веков, А.-А., 1969 (қосавтор)
- ↑ Казахстан, Средняя и Центральная Азия в 16 – 18 вв., А.-А., 1983 (соавтор)
- ↑ Центральная Азия в 14 – 18 веках глазами востоковеда, А., 2001
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|