Вениамин Семёнович Битюцкий

Вениамин Семёнович Битюцкий (26.10.1902, Саратов - 31.08.1980, Екатеринбург) — совет актері және театр режиссері. 1956 жылы Ресей Федерациясының халық әртісі, 1953 жылы Ресей Федерациясының еңбек сіңірген өнер қайраткері атағын алады.

Биографиясы

1919-1920 жылдары темір жолда балташы шәкірті болып жұмыс істейді. 1921-1924 жылдары Жоғары мемлекеттік Саратов театр өнері шеберлігінде оқиды. Оқуын тәмамдағаннан кейін Н.Г. Чернышевский атындағы Саратов театрына тапсырады.

1925-1927 жылдары Қызыл Армияда борышын өтегеннен кейін Карл Маркс атындағы Саратов театр тобының құрамына қабылданады, алайда сол жылы конкурс бойынша Моссовета атындағы Мәскеу театрына актер ретінде қабылданады.

1928 жылы Мәскеуде баспанасының жоқтығына қарамастан астананы тастап кетеді. Біраз жыл бойы Бобруйск, Витебск, Балашов, Архангельск, Перма, Брянск, Лысьев, Кудрымкара, Екатеринбург сахналарында өнер көрсетеді.

1933 жылы Битюцкий режиссер ретінде қосымша жұмыс істейді, ал 1938 жылы толығымен режиссерлік жұмысқа ауысады.

1937-1939 жылдары Свердлоск Жас көрермендер театрында актер және режиссер болады. 1938 жылы театрдың бас режиссері болып, көркемдік жетекші қызметін атқарады.

1939 жылы Свердловск драма театр академиясында режиссерлік жұмыстан бастайды. Битюцкий алғашқы қойылымы «Похищение Елены» сектаклі болады.

1952-1967 жылдары Драма театрында бас режиссер болады. 1966 жылы ресми түрде зейнетке шығады, бірақ қойылымын 1979 жылдың наурыз айына дейін көрсетеді.