Вера Петровна Марецкая

Вера Петровна Марецкая (31.07.1906, Мәскеу - 17.08.1978, Мәскеу) - орыс кеңес актрисасы, КСРО халық артисі, Қаз.КСР-інің еңбек сіңірген артисі. 1924 ж. Вахтангов атындағы театрдың мектеп-студясын бітіргеннен кейін, Ю.А.Завадский басқарған студияға қабылданды. 1940 жылдан Массовет атындағы театрдың актрисасы. Алғашқы жылдары көбіне комедиялық рольдерді ойнап, өткір мінезді актриса екенін танытты. 1925 жылдан киноға түскен. 1940 ж. "Үкімет мүшесі" фильімінде Наталья Соколованың ролін орындап, ерекше көзге түсті. Өнерін белгілі бір театр мектебінің амплуасымен шектелмейді. Эксцентрика, батыл да жарқын театрлық түр мен лирикалық бояу - актриса өнеріне тән қасиет. Таңдаулы рольдерінің қатарында Мирандолина, Машенька, Надежда Дурова және Прасковья Лукьяновна, Варвара Васильевна т.б. бар. Ұлы Отан соғысы жылдары Моссовет театрының құрамымен Қазақстанда болды. КСРО Мемлекет сыйлығының лауреаты. 4 орден және медальдармен марапатталды.[1]

ДереккөздерӨңдеу

  1. Қазақ энциклопедиясы