Виктория (алхоры сорты)

Виктория — алхоры жемісінің негізгі стандарт сорты болып саналады. Англияда шығарылған. Әдебиеттегі мәліметтерге қарағанда, Виктория суыққа төзімділігі жағынан оңтүстіктегі сорттардың ішіндегі ең мықтысы.

Ағаш сәуірдің екінші жартысында - мамыр айының басында гүл атады. Алматы облысының тау белдеуіндегі аймағында жемісі тамыздың аяғында піседі. Тауда Виктория ағашының жеміс өнімі мол және тұрақты, әр ағаштан 45,5 килограмм жеміс алынады. Жемісінің орташа салмағы - 46,5г, түсі - жарық түскен жағында - күңгірт қызыл, көлеңке жағында - күлгін қызыл, үстін тығыз балауыз түк басқан. Жұмсағы алтын түстес, шырынды. Сүйегі жұмсағының ішінде бос жатады. Жемісі жас күйінде желінеді.

Виктория сорты Шымкент, Жамбыл, Қызылорда облыстарының барлық аймақтарына, сондай-ақ Алматы облысының таулы, тау бауыры, тау етегі, жазық және дала аймақтарына арналған стандартты сорт қатарына жатқызылды.