Виталий Мефодиевич Безголосов

Виталий Мефодиевич Безголосов (20.5.1920, Шығыс Қазақстан облысы Ұлан ауданы Каменка а. - 30.4.1945, Чехия) – екінші дүниежүзілік соғысқа қатысушы, старшина, мерген.

Риддер қаласындағы металлургия зауытында жұмыс істеген. 1942 ж. майданға келіп, Калинин, Дала, 1 және 4-Украина майдандарындағы жорық жолдарынан өтті. 183-атқыштар дивизиясы 227-полкі құрамында Ұлы Отан соғысына қатысты. 1945 жылдың 30 сәуірінде 279 жау әскерін, ал Чехияның Моравска-Острава қаласын азат етуде және Одер (Одра) өзенінен өткенде 8 гитлершіні жойды. Осы ұрыста жараланған командирін қорғауда Безголосов ерлікпен қаза тапты.

Безголосовқа ерлігі үшін КСРО Жоғары Кеңесі Төралқасының Жарлығымен Кеңес Одағының Батыры атағы берілді (15.5.1945). Ленин, Кызыл Ту, «Қызыл Жұлдыз», 3-дәрежелі Даңқ ордендерімен, медальдармен марапатталған.