Виталий Портников
Виталий Портников (укр. Віталій Едуардович Портников; туған жылы 14 мамыр 1967 жыл, Киев) — Кеңестік және украиндық журналист, жазушы және публицист, тележүргізуші.
| Виталий Портников | |
| Віталій Едуардович Портников | |
 | |
| Туған күні | |
|---|---|
| Туған жері | |
| Ұлты |
украин |
| Мансабы |
журналист, жазушы, публицист, тележүргізуші |
| Сыйлықтары |
Украина Журналистер одағының «Алтын қалам» сыйлығы, Гетман Орлык Құрмет белгісі (1998) |
Жастық шағы, білімі өңдеу
Виталий Портников 1967 жылы 14 мамырда Киевте дүниеге келген. Оның ата-анасы Эдуард Петрович пен Клара Абрамовна. Виталийдің әкесі жергілікті мата дүкенінде директор болып жұмыс істеді, ал анасы білікті заңгер болды.[1] Алдымен Киевтегі №53 мектепте, кейін №41 мектепте оқыды. Мектепті бітіргеннен кейін 1985 жылы Днепропетровск университетінің филология факультетіне оқуға түсті, бірақ 1988 жылы Мәскеу мемлекеттік университетінің журналистика факультетіне ауысып, оны 1990 жылы бітірді. 1992 жылы сол университеттің мерзімді басылымдар кафедрасында аспирантураны бітірді.[2]
Мансабы өңдеу
Еңбек жолының алғашқы бірнеше жылдарында Виталий Портников «Украина жастары» газетінде тілші болды. Кеңес заманында парламенттік журналистердің қатарында болды.
Одан кейін 1989-1995 жылдар аралығында жаңадан құрылған «Независимая газетада» мақалаларын жариялады. Басқа тілшілермен бірге ол басылым ресейлік саясаткер және кәсіпкер Борис Березовскийге жақын адамдардың меншігіне өтуіне байланысты онымен ынтымақтастығын тоқтатты.
1990 жылдан бастап «Азаттық» радиосында жүргізуші, сонымен қатар саяси және тарихи оқиғалардың сарапшысы және бақылаушысы қызметін атқарады.
Сонымен қатар, Виталий Портников журналистік мансабында көптеген украиндық және шетелдік басылымдарда мақалаларын жариялады: «Зеркало Недели», «День», "Корреспондент", "Деловая неделя" (Киев), "Ресей телеграфы", "Ведомости", "Время MN" (Мәскеу), "Polityka", "Gazeta Wyborcza" (Варшава), "Бизнес и Балтия", "Телеграф" (Рига), "Postimees" (Таллин), "Беларусь газеті" (Минск).
Ол сондай-ақ еврей халқы мен Таяу Шығысқа қатысты мәселелер мен оқиғаларды белсенді түрде қамтиды. Бір кездері идиш тілінде шыққан "Советиш геймланд" және "Биробиджанер штерн" басылымдары үшін жазған. Қазіргі уақытта еврейлердің "Вести" газетінде материалдары үнемі жарияланады.
2006 жылдан 2007 жылға дейін "Газета 24" украиналық күнделікті басылымының редакциясын басқарды. 2005 жылдан 2010 жылға дейін украиналық телеарналарда жұмыс істеді, ақпараттық-аналитикалық бағдарламалардың жүргізушісі болды (мысалы, К1-де "ВІП", ТВі-де "Правда Виталий Портникова"). 2010 жылы ТВі-дің бас редакторы лауазымын алды, ал 2 жылдан кейін осы телеарнаның басшысы болды.
2013 жылдан бері Виталий Портников Эспрессо ТВ телеарнасының жүргізушісі болды.
Украинадағы революциялық оқиғалардың басталуымен (2013 ж.) Еуромайданға белсенді қатысты. Бүкіл украиналық «Майдан» қозғалысы кеңесінің мүшесі болды. 2014 жылдың басында ол ресейлік арнайы қызмет агенттері өзіне және басқа да көптеген оппозициялық журналистерге қарсы арандатушылық әзірлеп жатқанын, сондықтан Польшадағы наразылық шаралары кезінде кетуге мәжбүр болғанын айтты. Билік ауысқан соң қайтып келді.
2015 жылы «Халық майданы» партиясынан Украина Ұлттық қоғамдық телерадиокомпаниясының Бақылау кеңесіне кірді.[3]
Қазіргі кезі өңдеу
Қазіргі уақытта ол журналистикамен айналысады. «Азаттық» радиосының шолушысы болып жұмыс істейді және украиндық және ресейлік басылымдарға тұрақты түрде аналитикалық мақалалар жазады.
Бірнеше кітаптың авторы. "Неге Медведев?" кітабы 2008 жылы жарық көрді және Иван Грозныйдан бері бүкіл әлем үшін жұмбақ болып қала беретін ресейлік құрылғы мен саясаттың құпияларын ашты, кітап авторы Виталий Портников өз пікірімен бөліседі. Журналист "Синагогадағы Бикеш" жинағына авторлық баған мақалаларын жинады. Кітап авторы оқырмандарына маңызды ақпарат береді, салыстырулар келтіреді және тарихи және заманауи оқиғаларға өз көзқарасын ұсынады. "Періштелерге арналған түрме" - "Синагогадағы Бикеш" кітабының жалғасы. Алдыңғы жинақта автор тарихи оқиғаларды талқылайды және еуропалық және посткеңестік елдерді қамтиды. Бұл жинақта Украинадағы оқиғаларға қатысты мақалалар жинақталған-жеке күнделік.[4]
Украина Журналистер одағының «Алтын қалам» сыйлығының лауреаты (1989), Гетман Орлык ынталандыру сыйлығының (1998) жыл сайынғы «Жыл адамы» байқауында «Жыл журналисі» номинациясына да ұсынылды.[5]
Дереккөздер өңдеу
- ↑ Виталий Портников: жизненный путь украинского журналиста https://yandex.kz/turbo/fb.ru/s/article/238399/vitaliy-portnikov-jiznennyiy-put-ukrainskogo-jurnalista
- ↑ Портников Виталий Эдуардович https://www.facenews.ua/file/2014/200987/
- ↑ Виталий Портников https://my.ua/persons/vitalii-portnikov
- ↑ Журналист Виталий Портников https://nastroy.info/post/jurnalist-vitaliy-portnikov
- ↑ Виталий Портников https://2day.kh.ua/ru/author/portnikov