Владимир Александрович Луговской

Владимир Александрович Луговской (1901 жыл 1 шілде, Мәскеу - 1957 жыл 5 маусым) - орыс кеңес жазушысы, ақыны.

Шығармашылығы өңдеу

1921 жылы Әскери педагогикалық институтты бітірген. Тұңғыш өлеңі 1924 жылы жарияланған. «Солтүстік шұғыласы» (1926), «Бұлшық ет» (1929) шығармалары азамат соғысына арналған. «Еуропа» (1935). «Өмір» (1933). «Дангара» (1935) поэмалары мен «Еуропа» (1932), «Каспий теңізі» (1936), «Шекарашылар» (1950), «Күн шұғыласы» (1956), «Көгілдір көктем» (1958) т.б. жинақтарының авторы. Оның «Шөл дала мен көктем» (1930-1954) деген лирикалық эпопеясы Орта Азиядағы социалистік құрылысты, басмашыларға қарсы күресті бейнелеген. Ал күрделі туындысы - философиялық бағытта жазылған автобиографиялық поэмалардан тұратын «Ғасыр ортасы» (1958) атты кітабында ол XX ғасырдың ортасындағы маңызды оқиғаларды қамтыды.

Марапаттары өңдеу

«Құрмет Белгісі ордені»мен және бірқатар медальдармен марапатталған.[1]

Дереккөздер өңдеу

  1. Қазақ Совет Энциклопедиясы, Алматы, 1974ж., 5 том