Владимир Иванович Шацилов

Шацилов Владимир Иванович (20 Тамыз 1936 жылы туған, Ресей, Алтай өлкесі, Благовещенка селосы) – техника ғылымының докторы (1987).

Қысқаша өмірбаяны:

Қазақстанның геологиялық картасы.

• 1959 жылы Қазақ тау-кен және металлургия институтын (қазіргі Қазақ ұлттық техникалық университеті) бітірген.
• 1959–1977 жылдары Қазақ КСР-і Геология министрлігіне қарасты Іле геофизикалық *экспедициясында аға техник, геофизик, бас инжинер, партия бастығы.
• 1977–1984 жылдары Қазақстан ғылым академиясының Сейсмология институтында аға ғылыми қызметкер, лаборатория меңгерушісі, директордың орынбасары.
• 1984–1986 жылдары Бүкілодақтық барлау геофизикасы институтының Қазақ бөлімшесінде аға ғылыми қызметкер.
• 1986 жылдан Қазақстан ғылым академиясының Сейсмология институты директорының орынбасары қызметтерін атқарды.

Ғылыми еңбектері жер қыртысының құрылымы мен параметрлерін сейсмикалық тәсілмен зерттеу мәселелеріне арналған. 1 авторлық куәлігі бар.