Владимир Николаевич Малышев

Владимир Николаевич Малышев (1947 ж. т.), инженер-маркшейдер, өндіріс жетекшісі.

Қарағанды политехникалық институтын (1980), Алматы политология институтын (1985), Мәскеудің еңбек және әлеуметтік катынастар академиясын бітірген (1994). 19661997 ж. Ащысай полиметалл комбинатының бұрғылаушысы, Шығыс Жезқазған кенішінің проходчигі, кен мастері, бөлімше мастері, кенді учаскенің бастығы, Балқаш КМК маркшейдері, бұрғылап атқылау жұмыстарының аға инженері, Қоңырат кенішінің өндірістік-техникалық бөлімінің бастығы, Балқаш қалалық партия комитетінің өндіріс-көлік бөлімінің меңгерушісі, Балқаш КМК парком хатшысы, Никольск қалалық партия комитетінің 1-хатшысы, Сәтбаев қалалық аткомының төрағасы, Сәтбаев қалалық әкімшілігінің басшысы, «Қазақмыс» Мемлекеттік холдинг-компаниясының вице-президенті,

«Жезқазғантүстіметалл» АҚ 1-вице-президенті. 1997 жылдан Балқаш КМК бас директоры, кейін осы комбинаттың басшысы болды. Малышев тау-кен металлургиясы саласында мол тәжірибе жинақтаған, ұйымдастырушылық қабілеті мол басшы маман ретінде танылды.[1]

Дереккөздер өңдеу

  1. Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5