Владимир Сергеевич Шатов

Владимир Сергеевич Шатов(желтоқсан 1887, Киев, - 07.08.1943) - Қазан революциясына, Азамат соғысына қатысушы, кеңес шаруашылық қызметкері Киев политехникалық институтында оқыған, социал - демократиялық үйірмелерге қатысқан.

Өмірбаяны

1906 жылы патша үкіметінің қуғындауына ұшырап, АҚШ - қа кетеді. Мұнда "Әлемнің индустриялық жұмысшылары" қоғамына енді. 1917 жылы Ресейге қайтып оралды да, Қазан революциясы күндері "Анархо - синдикалистік насихатшылар одағы" атынан Петроград соғыс ревкомының құрамына кірді. 1918 - 21 жылдары Петроград әскери округы бойынша Петроград темір жол күзетінің төтенше комиссары, Петроград орталық комендатурасының бастығы, Батыс майданы 7 - әскерінің соғыс ревкеңесінің мүшесі. 1921 - 22 жылдары Қиыр Шығыс республикасының соғыс министрі, одан соң жол қатынасы мнистрі. 1922 жылдан жауапты шаруашылық қызметтерде болды. 1927 - 30 жылдары Түркістан - Сібір темір жол құрылысының бастығы. 1932 - 36 жылдары Жол қатынасы халкомының орынабсары, Темір жол басқармасының бастығы. 1936 - 37 жылдары Нілді - Жезқазған темір жол құрылысының бастығы.

Сыйлықтары

Шатов Қызыл Ту, Еңбек Қызыл Ту ордендерімен марапатталған.

Қолданылған әдебиет

Қазақ Совет энциклопедиясы, 1978 жыл, Алматы,12 том, 196 бет