Владимир Степанович Семизоров

Владимир Степанович Семизоров (17 сәуір 1935, Луганск қ. — 5 қараша 2003, Алматы) — театр суретшісі, Қазақ КСР-інің еңбек сіңірген өнер қайраткері (1969).

Өмірбаяны

• Әуелі Луганск қаласындағы көркемсурет училищесінде (1954 — 60) оқыған.
• Бұдан кейін 1960 ж. Мәскеу мемлекеттік көркемсурет институтын (проф. М.И. Курилконың жетекшілігімен) бітірген.
• Қазақтың мемлекеттік академиялық опера және балет театрында суретші-қоюшы (1969 — 71),
• бас суретші (1970 — 74, 1974 — 80)
• Мәскеу мемлекеттік консерваториясының опера студиясында бас суретші (1970 — 74) болып қызмет атқарды.
• Қазақтың мемлекеттік академиялық опера және балет театрында қойылған П.И. Чайковскийдің “Аққу көлі”, А.И. Хачатурянның “Спартак” (1974) балеттеріне, Е.Г. Брусиловскийдің “Қыз Жібек” операсына, сондай-ақ Астана қаласындағы К.Байсейітова атындағы опера және балет театры сахнасына шығарылған Чайковскийдің “Евгений Онегин” (2000), М.Төлебаевтың “Біржан — Сара” (2001), Е.Рахмадиевтің “Қамар сұлу” (2003) операсына айшықты да сәнді декорация эскиздерін жасады.

Марапаттары

• 1966 ж. оған Алматыдағы М.Ю. Лермонтов атындағы мемлекеттік академиялық орыс драма театрында қойылған М.Ф. Шатровтың “Алтыншы шілде” спектаклін (1965) безендіргені үшін Қазақ КСР-і Мемлекеттік сыйлығы берілді.
• “Парасат” орденімен марапатталған.