Востоккиноның Алматыдағы Бөлімшесі

Востоккиноның Алматыдағы Бөлімшесі - 1929 ж. Бүкілресейліқ "Востоккино" акционерлік қоғамының негізінде құрылған. Бөлімше "Соңғы хабардар" деген жалпы атпен бірнеше шежірелік қиножурналды, "Ауылдағы кооперация", "Жаңа астана", "Алматы мен оның маңы туралы", "Алматыға бірінші пойыздың келуі", "Жалдауға", "Ликбездегі сабақтар" секілді қысқа метражды деректі фильмдерді және "Дала әні" (1930, реж.А.Г.Лемберг), "Жұт" (1931, реж. М.С. Каростин), "Қаратау құпиясы" (1932, реж. А.Т. Дубровский) атты көркем фильмдер түсірді. Оның түсірген толық метражды "Түрксіб" (1929, реж. В.А. Турин) фильмі ұлттық кинопублицистиканың елеулі туындысына айналды.