Вроцлав медициналық университеті

Вроцлав медициналық университеті (пол. Uniwersytet Medyczny we Wrocławiu) — Польшадағы Вроцлав қаласындағы жоғары медициналық оқу орны. Әр түрлі деңгейдегі медицина мамандарын дайындайды және жыл сайын 6000-нан астам студенттерге сапалы білім береді.

Вроцлав медициналық университеті
Университет атауы
Шынайы аты	Uniwersytet Medyczny we Wrocławiu
Бұрынғы атауы	Медициналық академия
Жалпы сипаттамасы
Құрылған жылы	1950
Қайта құрылған жылы	2012
Түрі	қоғамдық
Орналасуы
Орналасқан жері	Польша, Вроцлав
Мекенжайы	Вроцлав қаласы, Чалубинский 6А
Кампус	2
Әкімшілік
Ректоры	Профессор, доктор Хаб. Marek Ziętek
Негізгі көрсеткіштер
Студенттер	6 000
Шетел студенттері	825
Сайты	www.am.wroc.pl/ru/

Тарихы

Университет тарихы 1811 жылы Вроцлав академиясы мен Франкфурт университеті бір оқу орнына біріккен кезден басталады, оның жанынан медицина факультеті жұмыс істеді, кейін ол бүгінгі университеттің негізі болды. Дербес бөлімше ретінде медициналық университет өз жұмысын тек 1950 жылы Медициналық академия атауымен бастады және сол кездегі Польша Президентінің бұйрығымен 2012 жылы ғана қазіргі атауын алды.

2019 жылғы жағдай бойынша институт барлық медициналық университеттері арасында 4-ші орынды иеленсе, 2018 жылы Гданьск университетімен 3-ші орынды бөлісті. Польшадағы барлық оқу орындары арасындағы рейтинг бойынша, Вроцлав университеті бұл тізімде 13-ші орында.

Университеттің ғылыми-медициналық негізін қалаған профессорлар: Альцгеймер, Бросс, Микулич-Радецкий, Барановский, Хиршфельд және т.б. Бұлар университеттің дамуының бағыт-бағдарын айқындап бекітті.

Білім беру

Вроцлав медициналық университеті Польшадағы ең алдыңғы медициналық университеттердің бірі болып табылады. Көптеген жылдар бойы бұл үміткерлер арасында өте танымал. Қазір 10 мамандық бойынша 6000 студент білім алуда. Мамандықтар:

• Медицина,
• Медицина және стоматология,
• Фармация,
• Медициналық талдау,
• Диетология,
• Жедел медициналық көмек,
• Физиотерапия,
• Мейірбике ісі,
• Акушерлік іс,
• Денсаулық сақтау.

Медицина және стоматология факультеттерінде оқыту тек поляк тілінде ғана емес, сонымен қатар ағылшын тілінде де жүргізіледі. Вроцлавта ағылшын тілінде сөйлейтін бөлімнің болуының арқасында көптеген шетелдік студенттер келіп оқуда.

Ағылшын тілді кафедра 2003-ші жылы құрылған. Оның оқу жоспарлары поляк тіліндегі бағдарламалармен бірдей. Бағдарламалар жалпы еуропалық бағдарламаға бейімделген және медициналық оқу орындарына түсушілер үшін еуропалық стандарттарға сәйкес келеді. Оқытуды теориялық дайындықта 10-12 студенттен және науқас адамдармен оқытуда 4-5 студенттен тұратын оқу топтарында жоғары білімді мамандар тобы жүзеге асырады. Ағылшын тілінде сөйлейтін бөлім негізінен Германия, Швеция, Канада, АҚШ және Норвегиядан келген студенттерді дайындайды. 2017–2018 оқу жылында ағылшын тілінде сөйлейтін бөлімде 825 студент білім алды, оның ішінде 682-сі медицина факультетінде, 143-і стоматология факультетінде.

Вроцлав медициналық университетінің инфрақұрылымы бірнеше корпустан тұрады және 2 және 3 адамға арналған жайлы бөлмелер орналасқан 2 жатақханадан тұрады.

Ғылыммен байланысы

Жыл сайын Вроцлав медициналық университетінде бірнеше жүздеген ғылыми жобалар жүзеге асырылады, сондай-ақ бірнеше ірі халықаралық гранттар мен консорциумдар жүзеге асырылуда. Әлемнің түкпір-түкпірінен келген ғалымдардың қатысуымен ғылыми қызметті дамытылуда. Вроцлав медицина университетінің ғалымдары Еуропалық комиссия қаржыландыратын үш беделді грантты, оның ішінде «Horizon 2020» бағдарламасы бойынша екі грантты, SECURE және BETA-3 гранттарын жүзеге асыруда. Олардың арасында Польшада профессор Пиотр Пониковский бастаған топ жүргізген бірегей клиникалық зерттеулер бар.