Галина Григорьевна Герман

Галина Григорьевна Герман (20.6.1964 ж. туған, Ленинск селосы) – журналист.

Шымкент педагогикалық институтын бітірген (1985). Еңбек жолын М.Мәметова атындағы №35 мектепте орыс тілі мен әдебиетінің мұғалімі болып бастаған. 1990 ж. журналистикаға ауысып, «Спутник молодежи» газетінің тілшісі болды. 1991 – 2004 ж. «Панорама Шымкента» газетінің тілшісі, аға тілшісі, бөлім меңгерушісі қызметтерін атқарды. Одан кейін «Судьба» газетінің редакторы, «Своя газетаның» тілшісі болды. 2004 жылдан «Рабат» газетінің редакторы. Ол құқық қорғау, денсаулық сақтау, ұлттық мәдениет орталықтарының жұмыс барысы, ұлтаралық келісім тақырыптарына қалам тартып жүр. Ол президенттің «Творчестволық ізденісі үшін» грантының иегері (1996).