Гангльбауэр тамыржегіш қоңызы

Гангльбауэр тамыржегіш қоңызы
	;
Ғылыми топтастыруы
Дүниесі:	Жануарлар;
Жамағаты:	Буынаяқтылар;
Табы:	Жәндіктер;
Сабы:	Қатты қанаттылар‎;
Тұқымдасы:	Cerambycidae;
Тегі:	Dorcadion;
Түрі:	D. ganglbaueri;
Екі-есімді атауы
	Dorcadion ganglbaueri; Jakovlev, 1897
Синонимдері
	Dorcadion (compsodorcadion) ganglbaueri Danilevsky, 1996

Гангльбауэр тамыржегіш қоңызы (лат. Dorcadion ganglbaueri) – қатты қанаттылар сабының сүген қоңыздар тұқымдасына жататын қоңыз.Табиғатқа сән беретін, саны аз,таралу аймағы тарылып бара жатқан, сирек кездесетін ірі қоңыз. Туыс жүйесінде жеке тұр. Арыс өзені маңында таралған, Қаратау тауында да жекелеп кездеседі. Биік шөпті далалы жерлерде тіршілік етеді.Тауға теңіз деңгейінен 1100 м биіктікке дейін көтеріледі. Дернәсілі көпжылдық астық тұқымдастар тамырымен қоректенеді. Дамуы белгісіз. Ересектері мамырда белсенді, жекелеген даралары маусымда да кездеседі. Қоңыздар қосымша қорек үшін астық тұқымдастар мен қияқөлең жапырақтарын кеміреді. Түрдің тіршілік ету ортасында белсенді шаруашылық жұмыстарына (жер жырту, малды шектен тыс бағу,өрттер) тыйым салу керек, өйткені түрдің мүлдем жойылып кетуі мүмкін.

Дереккөздер

Ғажайып омыртқасыздар. Қазақстан Қызыл кітап беттерінен. Құрастырушылар И.Д.Минтяев, Р.В. Ященко, В.Л. Казенас.